السلام عليكم
أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدنمركية عشان الكاريكاتير.
قاطع المنتجات الهولندية عشان الفلم.
قاطع المنتجات الألمانية لأنها جنب الدول السابق ذكرها.
و بالنهاية كل الناس يبعثوا الايمالات لبعض من لاب توب كل البرامج الي فيه أمريكية، و هم قاعدين في ستاربكس بعد ما اتعشوا في كنتاكي و معاهم "تيك أوي" من ماكدونلدز.
ثانيا: الصحة:
لا تشرب بيبسي لأنه يحتوي على مواد تنظيف و عصارة خنزير.
لا تستعمل مزيل العرق و لا الشامبو و لا الصابون لأنه يسبب سرطان.
لا تأكل لحم البقر لأنه يسبب جنون البقر.
لا تأكل دجاج بسبب أنفلونزا الطيور
لا تأكل سمك بسبب المد الأحمر
لا تأكل خضار و لا فواكه لأنها كلها هرمونات
لا تشرب ماء لأنه معالج بالكلور
لا تأكل معلبات لأنها تحتوي على مواد حافظة
لا تشرب عصير طبيعي لأنه يأتي على شكل عصارة مركزة
لا تشرب عصير غير طبيعي لأنه كله ألوان
طيب يعني شو بدي أكل أكل هوا؟!!! ..... أكيد لأ طبعا لأنه الهوا ملوث بعوادم السيارات و المصانع.
و إذا خالفت النواهي السابقة كلها، دخلنا على العادات:
لا تشرب ماء بعد الأكل.
لا تنام و لا تمشي و لا تقعد بعد الأكل.
لا تدخن و لا تشرب شاي و لا قهوة بعد الأكل
لا تخلي الماء في الثلاجة داخل علب بلاستك لأنه مسرطنة
و لا تخليه في زجاج لأنه ممكن ينكسر بدون ما تعرف و تشربه ويجرح بلاعيمك.
ولا تخليه برا الثلاجة لأنه ممكن يتلوث.
و لا تشرب من الحنفية لأنها مش نظيفة
و لا تشرب مي صحة لأنها معبئة من الحنفية أو مكررة و فيها مواد مسرطنة.
لا تتكلم عالموبايل عشان الموجات تقتل خلايا المخ
و لا تتكلم عن طريق السماعة عشان الكهرباء الساكنة
و لا تتكلم عن طريق البلوتوث عشان الموجات تقتل خلايا المخ.
لا تخلي الهوا يدور في السيارة لما تشغل التكييف لأنه يتلوث من التنفس.
و لا تخلي الهوا يجي من بره لأنه ملوث.
لا تعبي بنزين الصبح لأن الكثافة عالية
و لا تعبي في الليل لأن الكثافة منخفضة
و اشرب خل عشان يحرق الدهون .... و لا تشرب خل عشان يسبب قرحة
و اطلع في الشمس عشان فيتامين "د" .... و لا تطلع في الشمس عشان الأوزون.
يعني أحسن حل .... انه الواحد لا يأكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعث ايميلات ....
ملاحظة:
(انصحكم تبعتوا هاالموضوع بالايميل لكل الي بتعرفوهم و اذا ما بعتوه راح يطلعلكم جني سويسري راكب مرسيدس، أو راح أطلعلكم أنا كل يوم في المنام و أقولكم "ليش ليش ليش ليش" للصبح )